កោះផ្តើមស្នេហ៍ ឬកោះថ្មី(ស្ថិតនៅលើកោះទ្រង់) កំពុងពង្រីកវិសាលភាព សេវាបោះតង់ សម្រាប់ទាក់ទាញ ភ្ញៀវ​ទេសចរណ៍

ខេត្តក្រចេះ

 

ដោយ៖ សេង​ ស៊ីដារ៉ូ

 

តំបន់ទេសចរណ៍ កោះទ្រង់ កំពុងពង្រីកវិសាលភាព ​ដើម្បីទាក់ទាញភ្ញៀវទេសចរណ៍ ជាតិ និងអន្តរជាតិ ឲ្យ កាន់​តែច្រើនឡើង ហើយកីជាតំបន់មានអំណោយផលច្រើន ក្នុងវិស័យទេសចរណ៍នេះតែម្តង ដូចជា ភ្ញៀវអាច គយ​គន់​​មើលទេសភាពដ៏ស្រស់ស្អាត នៃវាលខ្សាច់ នាមាត់ទន្លេ ស្រូបយកខ្យល់អាកាសបរិសុទ្ធ បានភ្លក់រស់​ជាតិ​អាហារ និងផ្លែឈើធម្មជាតិ ដែលមានតម្លៃទាប និងមានឱជារស់​ បំផុតក្នុងឆាកជីវិត។

 

នាពេលថ្មីនេះ រមណីយដ្ឋានទេសចរណ៍ធម្មជាតិកោះទ្រង់ ខេត្តក្រចេះនេះ កំពុងពង្រីកវិសាលភាពមូលដ្ឋាន​ដី​បន្ថែមទៀត ដើម្បីទទួលភ្ញៀវទេសចរណ៍ ក្នុងសេវាបោះតង់ ដែលមានឈ្មោះថា កោះថ្មី ឬកោះផ្តើមស្នេហ៍ ។

 

លោក ប៊ុន បាន ប្រធានសហគមទេសចរណ៍ធម្មជាតិកោះទ្រង់ បានឲ្យដឹងថា គម្រោងក្នុងការពង្រីកវិសាល ភាព​ដីកោះនេះ ឃ្លាតពីរមណីយដ្ឋានចាស់តែចម្ងាយ ៣០០ម៉ែត្រប៉ុណ្ណោះ។





 ដោយគោលដៅផ្តោតទៅលើការបម្រើសេវាកម្មបោះតង់ និងការទទួលអាហារហូបចុក ដែលមានតម្លៃទាប បំផុត។ ផ្អែកលើសេវាកម្មបោះតង់ ទទួលភ្ញៀវទេសចរណ៍នេះ ក្នុងតម្លៃតង់មួយចាប់ពី១៥ទៅ២៥ដុល្លារ និង ការហូប​ចុក ៤ដុល្លារផងដែរ។

 

លោកប៊ុន បាន បានបន្តទៀតថា​ តាមការណែនាំនឹងការចុះមកពិនិត្យ ដល់ទីកន្លែងរបស់មន្ទីរទេសចរណ៍ ខេត្ត​ក្រចេះ បានធ្វើការណែនាំ និងរៀបចំសណ្តាប់ធ្នាប់បានយ៉ាងល្អ រួមនឹងការជម្រុញលើកស្ទួយពីបណ្តាក្រុមហ៊ុន ឯកជនទេសចរណ៍ ក្នុងស្រុកផងដែល ធ្វើឲ្យតំបន់ដែនកោះផ្តើមស្នេហ៍ មានការវិវត្តន៍លឿនឆាប់រហ័ស ជាទីបំ ផុត៕