គណៈកម្មាធិការជាតិរៀបចំការបោះឆ្នោត គ.ជ.ប បានចាត់តំណាងពីរ នាក់ ដាក់ពាក្យបឹង លោក សុន ឆ័យ អនុប្រធានភ្លើងទៀន ពីបទបរិហា កេរ្តិ៍ជាសាធារណៈ បានប៉ះពាល់យ៉ាងធ្ងន់ធ្ងរលើស្ថាប័ន គ.ជ.ប ដែល​ស្របតាមគោរការណ៍នៃលទ្ធិប្រជាធិបតេយ្យសេរីពហុបក្ស

 ភ្នំពេញ

ដោយៈ សេង ស៊ីដារ៉ូ

គណៈកម្មាធិការជាតិរៀបចំការបោះឆ្នោត គ.ជ.ប បានចាត់តំណាងចំនួនពីនាក់ ដែលមានឯកឧត្តម ឌឹម សុវណ្ណរុំ សមាជិកគណៈកម្មាធិការជាតិរៀបចំការបោះឆ្នោត និង ឯកឧត្តម សោម សូរីដា អគ្គលេខាធិការ​រង គ.ជ.ប ដាក់ពាក្យប្តឹង លោក សុន ឆ័យ ពីបទ​បរិហារកេរ្តិ៍ជាសាធារណៈ ដែលប្រព្រឹត្តនៅថ្ងៃទី៧ ខែមិថុនា ក្នុងកិច្ចសម្ភាសន៍​ជាមួយសារព័ត៌​មានអនឡាញ IDEA TAlK នៃសារព័ត៌មាន cambodialy ចូលទៅព្រះរាជអាជ្ញា​​នៃ អយ្យ​ការអមសាលា​ដំបូង​រាជធានីភ្នំពេញ កាល​ពីថ្ងៃទី១៧ ខែមិថុនា ឆ្នាំ២០២២។

ក្នុងការដាក់ពាក្យបណ្តឹងនេះ គ.ជ.ប រៀបរាប់ពីអង្គហេតុថា លោក សុន ឆ័យ បានឆ្លើយតមទៅនឹងសំនួរ របស់សារព័ត៌មានលោក តាំង សារ៉ាដា ដែលមានខ្លឹមសារថា លទ្ធផលបោះឆ្នោតនេះ មិនបានឆ្លុះបញ្ចាំងពី​ឆន្ទៈប្រជាពលរដ្ឋទេ​ គឺមានការបំភ័យ មានការទិញ និងមានការលួច ទើបនៅសល់ប៉ុណ្ណឹង ហើយយើង​មិន​ចង់ប្រៀបធៀប​ដូចចោរលួចគោទេ បើវា លួចគោ៣ ហើយ យើងម៉េចមិនឲ្យលួចទាំង៥ទៅ។ លោក សុន ឆ័យ បានបន្តទៀតថា មិនមែនគណបក្សប្រឆាំងឡាំប៉ានោះទេ ចេះតែនិយាយ​នោះទេ គេមានបច្ចេក ទេស គេមានវត្ថុតាង គេមានប្រធានភូមិនៅឯណា កត់អ្វីខ្លះ ទាហាននៅត្រង់ណា ក្បែរកន្លែងបោះឆ្នោត ហ្នឹងយកទាហានឲ្យដើរគគ្រឹកគគ្រេង ទាំងយប់ ហ្នឹងធ្វើអ្វីខ្លះ និងស្អីៗហ្នឹងគេដឹង។ ដូច្នេះខ្ញុំគិតថា វាអត់ ត្រឹមត្រូវ អត់យុត្តិធម៌ គ.ជ.ប មិនឯករាជ ហើយលទ្ធផលមិនឆ្លុះបញ្ជាំងពីឆន្ទៈរបស់ប្រជាពលរដ្ឋពិត​ប្រាកដ​នោះទេ។

គ.ជ.ប បានបញ្ជាក់ថា ផ្អែកតាមខ្លឹមសារដែលលោក សុន ឆ័យ ឆ្លើយក្នុងកិច្ចសម្ភាសន៍ខាងលើ គឺបាន​ ចោទប្រកាន់បំភ្លៃខុសពីការពិត បានប៉ះពាល់យ៉ាងធ្ងន់ធ្ងរលើស្ថាប័ន គ.ជ.ប ដែលត្រូវបំពេញភារកិច្ច​ការងារ​ដោយឯករាជ្យ និងអព្យាក្រឹត ដើម្បីធានាឲ្យការបោះឆ្នោតប្រព្រឹត្ត ទៅដោយសេរី ត្រឹមត្រូវ និងយុត្តិ​ធម៌ ស្របតាមគោរការណ៍​នៃលទ្ធិប្រជាធិបតេយ្យសេរីពហុបក្ស។

គ.ជ.ប បានប្តឹង លោក សុន ឆ័យ ចំនួនពីករណី គឺ៖

១ ផ្តន្ទាទោសឈ្មោះ សុន ឆ័យ ពីបទបរិហារកេរ្តិ៍ជាសាធារណៈ តាមបញ្ជត្តិមាត្រា ៣០៥ នៃក្រមព្រហ្មទណ្ឌ នៃ ព្រះរាជាណាចក្រកម្ពុជា។

២ ឲ្យឈ្មោះ សុន ឆ័យ ធ្វើលិខិតសុំទោស គ.ជ.ប ជាលាយលក្ខណ៍អក្សរ និងផ្សព្វផ្សាយជាសាធារណៈ៕

https://kronglungvek.com.kh