ព្នៅ ជាដើមឈើមង្គល និងជាថ្នាំបំប៉នសុខភាព

ដោយៈ សេង ស៊ីដារ៉ូ

ផ្នែព្នៅមានជ័រស្អិត អាចប្រើបិទក្រដាសផ្សេងៗ ជំនួសអោយបាយម៉ាន ឬកាវស្អិតបាន ផ្លែព្នៅនៅក្នុងប្រទេស កម្ពុជាយើង វាមានប្រយោជន៍​ទាំងផ្នែកអាហារ និងផ្នែកឱសថ។

ព្នៅត្រូវបានគេចាត់ទុកថា ជាដើមឈើមង្គល និងជានិមិត្តរូបនៃភាព​

ចំ​រើនរុងរឿង ដែលមនុស្សបុរាណនិយម ដាំនៅតាមស្រុកភូមិ។ មនុស្ស​បុរាណក្នុងតំបន់ខ្លះ ពេលចេញទៅប្រកបការងារ ឬចេញទៅបំពេញ​បេសកកម្ម ផ្សេងៗ រួមទាំងចេញទៅធ្វើសឹកសង្គ្រាមផង គេនិយម​នាំ​គ្នាយកត្រួយព្នៅសៀតត្រចៀក ដើម្បីជាសរីសួស្តី។

ព្នៅមានឈ្មោះជាភាសាអង់គ្លេសថា Bealfreit និងឈ្មោះវិទ្យាសាស្ត្រ Aegle marmelos Corr ស្ថិតក្នុងអំបូរ Rutaceae។ ព្នៅមានច្រើន​​ប្រភេទ​ដូចជា ព្នៅសណ្តាយ ព្នៅសំបកទន់ជាដើម។

ប្រភពដើមរបស់ដើមព្នៅ

ព្នៅ គឺជារុក្ខជាតិ មានប្រភពមកពី អូស្ត្រាលី ស្រីលង្កា និងឥណ្ឌា ទើប​ត្រូវគេ ហៅជាភាសាអគ្លេសម្យ៉ាងទៀតថា Bengal Quince។

ខ្មែរយើងចាត់ទុកព្នៅថា ជាដើមមង្គល ខណៈដែលពពួកឥណ្ឌាមាន​ជំនឿថា វាមាន ទំនាក់ទំនងជាមួយព្រះសិវៈ និងមានគុណសម្បត្តិ​ឱសថដ៏ល្អ។

ដកស្រង់ចេញពីសៀវភៅ បន្លែ ផ្លែឈើ អាហារសំរាប់​សុខភាព។