ប្រវត្តិ ក្រុងភ្នំពេញ នៃព្រះរាជាណាចក្រកម្ពុជា និងបានបានក្លាយទៅជារាជធានី នៃប្រទេសកម្ពុជា ជាលើកដំបូង ក្នុងរជ្ជកាលស្តេច ពញ្ញាយ៉ាត
ភ្នំពេញៈ
ដោយ៖ សេង ស៊ីដារ៉ូ
ក្រុងភ្នំពេញ គឺជាបេះដូង នៃព្រះរាជាណាចក្រកម្ពុជា ហើយក៏ជាកន្លែងដែលមានមនុស្សរស់នៅច្រើនជាងគេក្នុងប្រទេសកម្ពុជា លើសពីនេះទៅទៀត ភ្នំពេញក៏ជាកន្លែងសំរាប់ប្រកួតប្រជែង ទីផ្សារពាណិជ្ជកម្ម សេដ្ឋកិច្ច ការទំនាក់ទំនងការបរទេស នយោបាយ ការអភិវឌ្ឍ និងជាកន្លែងដែលបន្សល់ទុកនូវសំណង់ ចាស់ៗ ជាច្រើនផងដែរ ដូចជាព្រះបរមរាជវាំង វត្តភ្នំ និងអគារផ្សេងៗទៀតជាដើម។ល។
សព្វថ្ងៃនេះ ភ្នំពេញបានប្តូររូបរាងថ្មីទាំងការអភិវឌ្ឍន៍ និងសេដ្ឋកិច្ច ហេដ្ឋារចនាសម្ព័ន្ធផ្លូវថ្នល់ និងសំណង់ផ្សេងៗ ជាដើម ។
លើសពីនេះទៅទៀត ភ្នំពេញក៏បានក្លាយទៅជាទីក្រុងមួយ ដែលមានការប្រកួតប្រជែងផ្នែកទីផ្សារ និងសេដ្ឋកិច្ច ជាមួយនឹងទីក្រុងធំៗនានា នៅលើសកលលោក។
ប្រវត្តិក្រុងភ្នំពេញ ពីមុនភ្នំពេញមានឈ្មោះថា ក្រុងចតុមុខ មានន័យថា ទីក្រុងដែលមានមុខបួន។ ឈ្មោះ នេះ ដែរយើងបានយកមកពីការរត់ប្រសព្វ នៃទន្លេ គឺមានទន្លេរមេគង្គលើ ទន្លេមេគង្គក្រោម ទន្លេបាសាក់ និងទន្លេសាប។ ទន្លេទាំង៤ បានរត់ប្រសព្វគ្នាគ្រប់កន្លែង នៅក្រុងចតុមុខ។
ភ្នំពេញ បានក្លាយទៅជារាជធានី នៃប្រទេសកម្ពុជា ជាលើកដំបូង ក្នុងរជ្ជកាលស្តេចពញ្ញាយ៉ាត ដែលជាស្តេចនៃអាណាចក្រខ្មែរ នាសម័យនោះ។ ស្តេចពញាយ៉ាត បានរើរាជធានី ពីរាជធានីអង្គរធំ មកភ្នំពេញ បន្ទាប់ពីប្រទេសថៃបានវាយយក។
ក្នុងរជ្ជកាល ព្រះបាទនរោត្តម ព្រះមហាក្សត្រ នៃព្រះរាជាណាចក្រកម្ពុជា ក្រុងភ្នំពេញបានក្លាយជាកន្លែងឈរជើងរបស់រាជរដ្ឋាភិបាលកម្ពុជា និងព្រះបរមរាជវាំង។ ទីក្រុងភ្នំពេញបានចាប់ផ្តើមស្ថាបនាលើកដំបូងបង្អស់នៅពុទ្ធសតវត្សទី២១ គ្រឹស្តសតវត្សទី១៥ ក្នុងរជ្ជកាលព្រះបរមរាជា (ពញាយ៉ាត) គឺស្រីសុរិយោពណ៌ នៅពេលដែលទ្រង់បោះបង់ចោល ព្រះរាជវាំងអង្គរ មកកសាងព្រះរាជវាំងថ្មី នៅទួលបាសាណ ក្នុងខេត្តស្រីសឈរ ដែលសព្វថ្ងៃហៅថា ស្រុកស្រីសន្ធរ ក្នុងខេត្តកំពង់ចាម។ ប៉ុន្តែដោយទីទួលបាសាណនោះ ក្នុងរដូវភ្លៀងមានទឹកលិចរាល់ឆ្នាំ ទ្រង់បានសាងប្រាសាទព្រះបរមរាជវាំងហើយ គង់នៅបានតែមួយ ឆ្នាំ ក៏ទ្រង់ស្តេចយាងមកកសាងទីក្រុងថ្មី នៅឆ្នេរទន្លេបួនមុខ គឺក្រុងភ្នំពេញសព្វថ្ងៃនេះ នៅ គ.ស ១៤៣៤ ។
ការស្ថាបនា ព្រះរាជវាំង នៅទីក្រុងភ្នំពេញមានពីរលើក៖ លើកទី១ នៅគ្រិស្តសតវត្សទី១៥ រជ្ជកាល ព្រះបាទ ពញាយ៉ាត តែមិនស្ថិតស្ថេរ លើកទី២ នៅគ្រិស្តសតវត្សទី១៩ រជ្ជកាលព្រះបាទ នរោត្តមទើបស្ថិតស្ថេរ។ បានជាការស្ថាបនា ព្រះរាជវាំង នៅទីក្រុងភ្នំពេញ មាន២លើក ព្រោះក្រោយពីការស្ថាបនាលើកទី១ គឺគ.ស ១៣៤៤ ដល់ ១៤៩៧ នោះ ព្រះរាជវាំង បានទៅស្ថាបនានៅអង្គរវិញ...ក្រៅពីអង្គរ ទៅពោធិ៍សាត់ ទៅបរិបូណ៍ ទៅលង្វែក ទៅឧត្តុង្គ ហើយក្រោយពីឧត្តុង្គ ព្រះរាជវាំង ត្រលប់មកស្ថាបនានៅក្រុងភ្នំពេញវិញ ចំណែកលើកទី២ នៅគ.ស ១៨៦៥ ទើបបានស្ថិតស្ថេររហូតដល់សព្វថ្ងៃនេះ៕
ដោយ៖ សេង ស៊ីដារ៉ូ
សព្វថ្ងៃនេះ ភ្នំពេញបានប្តូររូបរាងថ្មីទាំងការអភិវឌ្ឍន៍ និងសេដ្ឋកិច្ច ហេដ្ឋារចនាសម្ព័ន្ធផ្លូវថ្នល់ និងសំណង់ផ្សេងៗ ជាដើម ។
លើសពីនេះទៅទៀត ភ្នំពេញក៏បានក្លាយទៅជាទីក្រុងមួយ ដែលមានការប្រកួតប្រជែងផ្នែកទីផ្សារ និងសេដ្ឋកិច្ច ជាមួយនឹងទីក្រុងធំៗនានា នៅលើសកលលោក។
ភ្នំពេញ បានក្លាយទៅជារាជធានី នៃប្រទេសកម្ពុជា ជាលើកដំបូង ក្នុងរជ្ជកាលស្តេចពញ្ញាយ៉ាត ដែលជាស្តេចនៃអាណាចក្រខ្មែរ នាសម័យនោះ។ ស្តេចពញាយ៉ាត បានរើរាជធានី ពីរាជធានីអង្គរធំ មកភ្នំពេញ បន្ទាប់ពីប្រទេសថៃបានវាយយក។
ក្នុងរជ្ជកាល ព្រះបាទនរោត្តម ព្រះមហាក្សត្រ នៃព្រះរាជាណាចក្រកម្ពុជា ក្រុងភ្នំពេញបានក្លាយជាកន្លែងឈរជើងរបស់រាជរដ្ឋាភិបាលកម្ពុជា និងព្រះបរមរាជវាំង។ ទីក្រុងភ្នំពេញបានចាប់ផ្តើមស្ថាបនាលើកដំបូងបង្អស់នៅពុទ្ធសតវត្សទី២១ គ្រឹស្តសតវត្សទី១៥ ក្នុងរជ្ជកាលព្រះបរមរាជា (ពញាយ៉ាត) គឺស្រីសុរិយោពណ៌ នៅពេលដែលទ្រង់បោះបង់ចោល ព្រះរាជវាំងអង្គរ មកកសាងព្រះរាជវាំងថ្មី នៅទួលបាសាណ ក្នុងខេត្តស្រីសឈរ ដែលសព្វថ្ងៃហៅថា ស្រុកស្រីសន្ធរ ក្នុងខេត្តកំពង់ចាម។ ប៉ុន្តែដោយទីទួលបាសាណនោះ ក្នុងរដូវភ្លៀងមានទឹកលិចរាល់ឆ្នាំ ទ្រង់បានសាងប្រាសាទព្រះបរមរាជវាំងហើយ គង់នៅបានតែមួយ ឆ្នាំ ក៏ទ្រង់ស្តេចយាងមកកសាងទីក្រុងថ្មី នៅឆ្នេរទន្លេបួនមុខ គឺក្រុងភ្នំពេញសព្វថ្ងៃនេះ នៅ គ.ស ១៤៣៤ ។
ការស្ថាបនា ព្រះរាជវាំង នៅទីក្រុងភ្នំពេញមានពីរលើក៖ លើកទី១ នៅគ្រិស្តសតវត្សទី១៥ រជ្ជកាល ព្រះបាទ ពញាយ៉ាត តែមិនស្ថិតស្ថេរ លើកទី២ នៅគ្រិស្តសតវត្សទី១៩ រជ្ជកាលព្រះបាទ នរោត្តមទើបស្ថិតស្ថេរ។ បានជាការស្ថាបនា ព្រះរាជវាំង នៅទីក្រុងភ្នំពេញ មាន២លើក ព្រោះក្រោយពីការស្ថាបនាលើកទី១ គឺគ.ស ១៣៤៤ ដល់ ១៤៩៧ នោះ ព្រះរាជវាំង បានទៅស្ថាបនានៅអង្គរវិញ...ក្រៅពីអង្គរ ទៅពោធិ៍សាត់ ទៅបរិបូណ៍ ទៅលង្វែក ទៅឧត្តុង្គ ហើយក្រោយពីឧត្តុង្គ ព្រះរាជវាំង ត្រលប់មកស្ថាបនានៅក្រុងភ្នំពេញវិញ ចំណែកលើកទី២ នៅគ.ស ១៨៦៥ ទើបបានស្ថិតស្ថេររហូតដល់សព្វថ្ងៃនេះ៕
Post a Comment