រដ្ឋមន្រ្ដីក្រសួងអភិវឌ្ឍន៍ជនបទ បានប្រជុំជាមួយក្រុមបេសកកម្ម ដើម្បីតាមដាន និងត្រួតពិនិត្យវឌ្ឍនភាពនៃការអនុវត្តគម្រោងកែលម្អផ្លូវជនបទ ជំហានទី២ ដែលមានថវិកាសរុប ១៩២,៧១លាន ដុល្លារអាមេរិក
ភ្នំពេញៈ
ដោយ៖ ហុង ចំណាប់
រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំជាមួយក្រុមបេសកកម្ម នៃធនាគារអភិវឌ្ឍន៍ អាស៊ី ដើម្បីធ្វើការត្រួតពិនិត្យ និងវាយតម្លៃវឌ្ឍនភាព នៃការអនុវត្តគម្រោងកែលម្អផ្លូវជនបទ ជំហានទី ២ នាថ្ងៃទី១៣ ខែមិថុនា ឆ្នាំ២០១៨ នៅទៅស្ដីការក្រសួង ។
លោក Takeshi Fukayama ប្រធានក្រុមបេសកកម្ម និងមន្រ្ដីជាន់ខ្ពស់ផ្នែក ដឹកជញ្ជូននៃការិយាល័យ កណ្ដាលធនាគាអភិវឌ្ឍន៍អាស៊ី បានវាយតម្លៃខ្ពស់ ចំពោះមន្រ្ដីអនុវត្តគម្រោង ធ្វើឲ្យគម្រោងនេះ មានភាពរលូន ហើយសង្ឃឹមថា នឹងបានសម្រេចតាមផែនការដែលបានគ្រោងទុក ទោះជាមានភាពយឺតយ៉ាវបន្តិច បន្ទួច ក្នុងផ្នែកនីតិវិធីលទ្ធកម្ម និងកត្តាបម្រែបម្រួលអាកាសធាតុ ក៏ដោយ។ ជាមួយគ្នានេះ លោក បានស្នើសុំឲ្យអង្គភាពគ្រប់គ្រងគម្រោង បន្តសហប្រតិបត្តិការបន្ថែមទៀត ជាមួយទីប្រឹក្សាបច្ចេកទេស និងជួយជំ រុញក្រុមហ៊ុនទទួលម៉ៅការពន្លឿន សកម្មភាពសាងសង់ ឲ្យបានទាន់ពេលវេលា ដែលបានគ្រោងទុក និងធានាឲ្យបានតាមគោលការសុវត្ថិភាពសង្គម។
លោករដ្ឋមន្ត្រី មានប្រសាសន៍ថា គម្រោងកែលម្អផ្លូវជនបទ ជំហានទី ២ ជាគម្រោងរបស់រាជរដ្ឋាភិបាល គ្រប់គ្រងដោយក្រសួងអភិវឌ្ឍន៍ជនបទ រយៈពេល ៥ឆ្នាំ គឺពីឆ្នាំ ២០១៦ ដល់ ២០២០ មានថវិកាសរុប ១៩២,៧១លាន ដុល្លារអាមេរិក ក្នុងនោះមានថវិកាបដិភាគរបស់រាជរដ្ឋាភិបាលកម្ពុជា ធនាគារអភិវឌ្ឍន៍អាស៊ី (ADB) ធនាគារអាហរ័ណ នីហរ័ណកូរ៉េ (Kexim Bank) រដ្ឋាភិបាលអូស្រ្ដាលី (Australian Govenement) មូលនិធិអភិវឌ្ឍន៍ណ័រឌិក (NDF) ទីភ្នាក់ងារបារាំងសម្រាប់អភិវឌ្ឍន៍ (AFD) និងមូលនិធិអាកាសធាតុ ជាយុទ្ធសាស្រ្ដ (Strategies Climate Fund) សម្រាប់កែលម្អផ្លូវក្រាលក្រួសក្រហមនៅជនបទ ប្រវែង ១២០០គ.ម ឲ្យទៅជាផ្លូវក្រាលកៅស៊ូពីរជាន់ប្រភេទ DBST និងផ្លូវបេតុង នៅក្នុងខេត្តគោលដៅទាំង ១០ គឺ ខេត្តត្បូងឃ្មុំ កំពង់ចាម តាកែវ កំពង់ស្ពី កំពង់ឆ្នាំង ពោធិសាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ។ លោករដ្ឋមន្រ្ដី បានបន្តទៀតថា គម្រោងកែលម្អផ្លូវជនបទ ជំហានទី២ នេះ មានដំណើរការយ៉ាងរលូន និងសូមឲ្យបន្តកិច្ចសហប្រតិបត្តិការនេះបន្តទៀត។
លោករដ្ឋមន្ត្រី បានសំណូមពរសុំឲ្យធនាគារអភិវឌ្ឍន៍អាស៊ី (ADB) និងធនាគារអាហរ័ណ នីហរ័ណកូរ៉េ (Kexim Bank) ជួយពន្លឿនសំណើររបស់រាជរដ្ឋាភិបាលកម្ពុជា ក៏ដូចជារបស់ក្រសួងអភិវឌ្ឍន៍ជនបទ ដើម្បីឈានទៅការចាប់ផ្ដើមអនុវត្តគម្រោងកែលម្អផ្លូវជនបទ ជំហានទី៣។
បន្ទាប់ពីបានពិភាក្សាវាយតម្លៃ លើវឌ្ឍនភាពនៃការអនុវត្តគម្រោង កិច្ចព្រមព្រៀង ត្រូវបានចុះហត្ថលេខាដោយ ឯកឧត្ដម សួស គង់ រដ្ឋលេខាធិការក្រសួងអភិវឌ្ឍន៍ជនបទ និងលោក Takeshi Fukayama មន្រ្ដីជាន់ខ្ពស់ផ្នែកដឹកជញ្ជូននៃការិយាល័យកណ្ដាលធនាគាអភិវឌ្ឍន៍អាស៊ី៕
ដោយ៖ ហុង ចំណាប់
 |
លោក Takeshi Fukayama ប្រធានក្រុមបេសកកម្ម និងមន្រ្ដីជាន់ខ្ពស់ផ្នែក ដឹកជញ្ជូននៃការិយាល័យ កណ្ដាលធនាគាអភិវឌ្ឍន៍អាស៊ី បានវាយតម្លៃខ្ពស់ ចំពោះមន្រ្ដីអនុវត្តគម្រោង ធ្វើឲ្យគម្រោងនេះ មានភាពរលូន ហើយសង្ឃឹមថា នឹងបានសម្រេចតាមផែនការដែលបានគ្រោងទុក ទោះជាមានភាពយឺតយ៉ាវបន្តិច បន្ទួច ក្នុងផ្នែកនីតិវិធីលទ្ធកម្ម និងកត្តាបម្រែបម្រួលអាកាសធាតុ ក៏ដោយ។ ជាមួយគ្នានេះ លោក បានស្នើសុំឲ្យអង្គភាពគ្រប់គ្រងគម្រោង បន្តសហប្រតិបត្តិការបន្ថែមទៀត ជាមួយទីប្រឹក្សាបច្ចេកទេស និងជួយជំ រុញក្រុមហ៊ុនទទួលម៉ៅការពន្លឿន សកម្មភាពសាងសង់ ឲ្យបានទាន់ពេលវេលា ដែលបានគ្រោងទុក និងធានាឲ្យបានតាមគោលការសុវត្ថិភាពសង្គម។
 |
លោករដ្ឋមន្ត្រី បានសំណូមពរសុំឲ្យធនាគារអភិវឌ្ឍន៍អាស៊ី (ADB) និងធនាគារអាហរ័ណ នីហរ័ណកូរ៉េ (Kexim Bank) ជួយពន្លឿនសំណើររបស់រាជរដ្ឋាភិបាលកម្ពុជា ក៏ដូចជារបស់ក្រសួងអភិវឌ្ឍន៍ជនបទ ដើម្បីឈានទៅការចាប់ផ្ដើមអនុវត្តគម្រោងកែលម្អផ្លូវជនបទ ជំហានទី៣។
បន្ទាប់ពីបានពិភាក្សាវាយតម្លៃ លើវឌ្ឍនភាពនៃការអនុវត្តគម្រោង កិច្ចព្រមព្រៀង ត្រូវបានចុះហត្ថលេខាដោយ ឯកឧត្ដម សួស គង់ រដ្ឋលេខាធិការក្រសួងអភិវឌ្ឍន៍ជនបទ និងលោក Takeshi Fukayama មន្រ្ដីជាន់ខ្ពស់ផ្នែកដឹកជញ្ជូននៃការិយាល័យកណ្ដាលធនាគាអភិវឌ្ឍន៍អាស៊ី៕
Post a Comment